FAQ
Tickets en toegank
Wanneer is Festilaovend?
De 2024 edisie geit plaatsvinje op zaoterdaag 13 jannewarie van 14:11 toet 23:11.
Ich bön mien ticket kwiet, wie kin ich dae weer kriege?
Om de tickets opnuuj opgestuurd te kriege, gank nao: https://resend.ticketing.cm.com/nl
Vreugesjiech, Daagsjiech, Late Nachsjiech, welk kaertje mot ich höbbe?
De versjillende tickets diej veer verkaupe zeen om aan te gaeve welke “trap” v’r zitten. Vreugesjiech woore de goodkaupste tickets, Late Sjiech zeen de duurste tickets. ALLE TICKETS zeen geweun geldig veur de GANSE DAAG!
Veur wèlke laeftied is Festilaovend?
Festilaovend is toegankelik veur bezeukers vanaaf 16 jaor. Naem naeve dien geldig ticket, ouch ein geldig legetimasiebewies mit (paspoort, riebewies of ID kaart).
Lokasie
Wo waert Festilaovend gehaje?
Bie Weerstand Remunj, ingang: Bredeweg 10, Remunj
Is Festilaovend toegankelik veur mindervalide?
’t Terrein is good begaonbaar veur mindervalide, alles is geasfalteerd en vlak.
Vinjt dit boete of binne plaats?
Dit unieke festivalterrein beejt os de meugelikheid om zowaal boete en binne bühnes te maake. D’r is in eedergeval veur idderein plek om binne te sjtaon in ’t geval get ’t waer taege zit.
Verveur
Wo is de ingang?
Navigeer nao Bredeweg 10, Remunj
Kin ich parkeere?
Jaozeker, op ’t terrein zeen d’r parkeerplekke! Alhoewaal veer adviseere om mit de fiets te komme.
Ich kom mit de trein...en denne?
Vanaaf station Remunj is ’t ein klein keteerke laupe nao ’t festivalterrein.
Pregram en Thema
Waem kump d'r optraeje op 't festival?
Onger angere Wir sind SPITZE!, Vleisboeket, Big Benny, Spik & Span, Miserabel, Beck & Bauer, RonnyRon en nog väöl meer…
Waat is 't thema?
’t Thema is SJIECH MAAKE, waat eigelik beteikent: de sjiech zit d’r op (en dus tied veur plezeer).
Is d'r ein dresscode?
Jaozeker!! ’t Is vastelaovend! Schminke en verkleije heurt dao einmaol bie! In thema komme moog, maar hoof neet!
’t Antjwaord op dien vraog neet gevónje? Naem dan kóntak mit ós op