Festilaovend logo

3 JULI 2021

Volg ös

Blokkesjeema

FESTILAIF
FESTILAIF
FESTILAIF
DJ Rard
14:00 - 15:30

Jérôme Gelissen
15:30 - 16:00

Dit jaor zit Jérôme al 10 jaor in 't artiestevak! De trots oet Amie is netuurlik waereldberoemp gewaore door ziene hit 'Loco Loco', de plaat is in 8 tale oetgebrach, zelfs in 't Chinees! Gelökkig blief Jérôme mit twee bein op de aerd in Limburg sjtaon en zal Mr. Loco Loco 'geweun' op Festilaovend optraeje, mit zien Limburgs repertoire!

Danny Pouwels
16:00 - 16:30

Volkszenger, DJ, entertainer, sjtraoljagerpiloot, tegelzitter en tröktraprem. Bie Danny kins se dich baeter aafvraoge waat d'r neet kint! Deze Kirkraojse jóng sjteit garant veur ein groot fees. Mit zien sjtrakke beats en pakkende tekste is 't eine keer loestere en drek mitblaere. Laot dich verrasse door 't nuujtste vastelaovestalent van Limburg!

Spik & Span
16:30 - 17:00

Niek en Jo: De Kampioene van de nach, de sjpek mit eier braojers, de vrunj toet de allerlèste runj, Spik & Span! Dit duo oet Zöstere is al meer es teen jaor achterein finalis van 't LVK. Ze höbbe dus genóg hits veur oppe bühne des se gein excuus meer höbs om neet mit te kinne zinge.

DJ Rard

Beppie Kraft
17:30 - 18:00

Häöre Majesteit ónger 't Limburgse artiestegilde: Keunigin Barbara Laurentia Christiana Kraft. Gelökkig moge veer geweun Beppie zègke. Eine arties van dit kelieber kint geweun neet ónbraeke op Festilaovend. Dus sjoenkel mit en laot de zón in dien hert!

Patrick Gerets
18:00 - 18:30

Zjweit sjteit op 't köpke en oppe rök, neet allein door 't (haopelik) lekkere waer maar ouch van 't mitzinge en danse op de nómmers van Patrick! De volkszenger is eine Remunjse klassieker en dus ouch eine dae op dit Remunjse festival mót sjtaon.

Promilaasj
18:30 - 19:45
18:30 - 19:45

Ze sjtónge al twee keer op 't eindfees van Vleisboeket in 2018 en 2020. Noe geit dees achkoppige band de de mini-Festilaovend edisie oppe kop zitte, netuurlik mit häöre 100% Alcorock. Gitare, bas, drums, keyboard, träöte, ze höbbe 't allemaol. Geneet nog ein oer lank van häör nómmers en covers oet alle genres!

DJ Rard

VLEISBOEKET
20:00 - 21:00
20:00 - 21:00

Opgerich in 2012, gesjtop in 2018, toch nog ein eindfees in 2020 en noe op Festilaovend. VLEISBOEKET is wispelturiger es ein knipperleechrelasie van twee puberende adolecente. Maar 't vastelaovesblood sjtruimp nog volop door de zès leje. Wie geer van VLEISBOEKET gewind zeet krieg geer ein oer lank eine moer van vasteloavesgeluid nao de kop gesjlingerd. Nooit, nooit, nooit genóg....

DJ Rard

Otto Wunderbar
21:30 - 22:00

Otto is de meis geboekte Oktoberfest en Après-Ski-DJ van Nederlandj en sjteit garant veur PARTY OHNE ENDE! Hae drejt, zingk, dans, sjans en wit zowaal nationaal es internationaal edere lokasie óm te touvere toet ein waor Partyparadies. Verwach eine Live Show vol entertainment mit de allerbèste partyknallers aus der Heimat, eige hitjes en alles mit de sjtempel 'party' van wied dao boete.

Roboter mit Senf
22:00 - 23:00
22:00 - 23:00

Waem neet in ufo's geluif mót zich nog maar ins achter de ore kratse. Roboter mit Senf is gelandj! Aafkómstig van planeet Kartofolis is dit intelligente laeve in Naordrien-Wesfale neergesjtreke, in de weilenj van Krefeld. Nao de Ninja Turtles en de Power Rangers is 't noe namelik tied veur nuje superhelde! Laot uch verrasse door dit mysterieus gezelsjap, zie naeme uch mit door eine mezikale tiedreis door 't helau....uhh....heelal.